მიწების დაზღვევა ახალი პროდუქტის ფარგლებში მოხდა, რომელიც "იმედი ელმა" მიკროსაფინანსო ორგანიზაცია კრედოსთან ერთად შექმნა. 1-ლი აპრილიდან ფერმერს მოსავლის დაზღვევა ბუნებრივი მოვლენების ზემოქმედებით გამოწვეული ზარალისგან, განვადებით შეუძლია. პროექტის ფარგლებში "იმედი ელმა" უკვე აგროდაზღვევის 500-მდე პოლისი გასცა. კომპანიამ დაიწყო სტიქიის შედეგად მიყენებული ზარალის შეფასება და შესაბამის ანაზღაურებას მოსავლის აღების პერიოდში გასცემს.

მსგავს ერთობლივ პროდუქტს კომპანიები მომხმარებელს 2010 წელსაც სთავაზობდნენ, მაშინ ფერმერს განვადებით მხოლოდ ვენახის და მარცვლეულის დაზღვევის შესაძლებლობა ჰქონდა. წელს კი დასაზღვევი კულტურების ჩამონათვალი საქართველოში წარმოებულ პრაქტიკულად ყველა კულტურას მოიცავს.

აგროდაზღვევის პირველი პოლისი "იმედი ელმა" 2000 წელს გასცა. უკვე 10 წელზე მეტია, რაც კომპანია წარმატებით ახორციელებს მოსავლის დაზღვევას მთელი საქართველოს მასშტაბით.