საბანკო სექტორში განთავსებული მთლიანი დეპოზიტების (სამეწარმეო და შინამეურნეობების სექტორების მიმდინარე ანგარიშებისა და ვადიანი დეპოზიტების, აგრეთვე გადასახდელი პროცენტების ჩათვლით) მოცულობამ 2011 წლის პირველი მაისისთვის 4.9 მლრდ ლარს გადააჭარბა, რაც 113.2 მლნ ლარით ანუ 2.3 პროცენტით მეტია მიმდინარე წლის 1-ლი აპრილისთვის არსებულ მაჩვენებელზე.
აპრილში, წინა თვესთან შედარებით, ადგილი ჰქონდა სამეწარმეო და შინამეურნეობების სექტორების მიმდინარე ანგარიშების ზრდას 49.2 მლნ ლარით ანუ 2.5 პროცენტით და ვადიანი დეპოზიტების ზრდას 62.0 მლნ.ლარით ანუ 2.2 პროცენტით.
დეპოზიტების დოლარიზაციის კოეფიციენტი მიმდინარე წლის 1-ლი მაისისთვის 68.0 პროცენტი შეადგინა - 4.3 პროცენტული პუნქტით ნაკლები 1-ლი აპრილის მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 8.6 პროცენტი შეადგენა, მათ შორის ეროვნული ვალუტით განთავსებულ დეპოზიტებზე - 11.6 პროცენტი, ხოლო უცხოური ვალუტით განთავსებულ დეპოზიტებზე - 8.1 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 72.7 პროცენტი, ხოლო ევროს წილმა 19.4 პროცენტი შეადგენა.
