იმპორტის გადასახადის გარეშე შემოსატანი პროდუქციის არეალი იზრდება. მთავრობის საპარლამენტო მდივნის გია ხუროშვილის განცხადებით, აქციზური მარკებით ნიშანდების ვალდებულებისაგან და იმპორტის გადასახადისგან შემოსატანი პროდუქციის მოცულობა ორმაგდება.
"აქციზური მარკებით ნიშანდების ვალდებულებისა და იმპორტის გადასახადისგან გასათავისუყფლებელი პროდუქციის მოცულობა იზრდება. თუ აქამდე ნებადართული იყო სასმელი 2 ლიტრი, საკანონმდებლო ინიციატივით ის 4 ლიტრამდე იზრდება. როდესაც ადამინი "დუტიფრიში", ან სადმე უცხოეთში შეიძენს კონიაკს ან ვისკს, დღემდე მისთვის 2 ლიტრის შემოტანის უფლება არსებობდა აქციზური მარკის ნიშანდებისა და იმპორტის გადასახადის გარეშე, თუმცა ამიერიდან ეს ზღვარი 4 ლიტრამდე იზრდება. იმავდროულად, თუ ნებადართული იყო 20 კოლოფი სიგარეტის, ანუ ორი ბლოკი სიგარეტი შემოტანა, ეს ზღვარი 4 ბლოკამდე იზრდება", - განაცხადა გია ხუროშვილმა.
