ვიდეოპორტალ www.myvideo.ge-ზე სუპერმაკრეტების ქსელ "პოპულიში" გადაღებული კადრები გავრცელდა, სადაც ვირთხა სუპერმატკეტში, სხვადასხვა საკვებპროდუქტზე თავისუფლას გადაადგილდება. უცნობია, თუ კონკრეტულად "პოპულის" რომელ სუპერმარკეტშია გადაღებული ფაქტები.
(იხ.ლინკი - http://www.myvideo.ge/?video_id=1335399 )
კადრები, რომ :პოპულის" ერთ-ერთ მარაზიაშია გადაღებული, სავაჭრო ნიშნიდან ჩანს, რომელიც შაქრის შეფუთვაზეა დატანებული.
მოგვიანებით კომპანია "პოპულიმ" აღმასრულებელი დირექტორის განცხადება გაავრცელა, რომელშიც ნათქვამია, რომ "გავრცელებული ვიდეო კადრი ყოველგვარ რეალობას მოკლებულია და ის ან მიზანმიმართული ცილისმწამებლური კამპანიის ნაწილია, რომელიც კომპანიის საქმიანი რეპუტაციის დისკრედიტაციას ემსახურება, ან ფალსიფიკაცია და უნიჭო ხუმრობაა".
რაც შეეხება ვიდეოში ნაჩვენებ "პოპულის" სავჭრო ნიშანს, პოპულის აღმასრულებელი დირექტორი განმარტავს, რომ "ვიდეო კადრში ბუნდოვნად ჩანს „პოპულის" ის ლოგო და სასაქონლო შეფუთვა, რომელსაც კომპანია უკვე წელიწადზე მეტია აღარ იყენებს, შესაბამისად, ვიდეო კადრი აბსოლიტურად არ შეესაბამება დღეს, კომპანიის სუპერმარკეტებში არსებულ რეალობას".
შეგახსნებთ, რომ "პოპულის" ოფიციალურ ვებგვერდზე განთავსებული ინფორმაციით, "სავაჭრო ქსელი "პოპული" 2001 წლიდან მოქმედებს საქართველოს საცალო და საბითუმო ვაჭრობის ბაზარზე.
"პოპულის" აქციონერები არიან ისეთი წამყვანი ფინანსური ინსტიტუტები როგორიცაა "საქართველოს ბანკი" ამერიკული საინვესტიციო კომპანია "ფაიარბერდ აურორა ფონდი" გერმანული საინვესტიციო ჯგუფი "ოსტინვესტორი" და შვედური საფინანსო ინსტიტუტი "ისტკაპიტალი".
