ვიცე-პრემიერ მინისტრის გიორგი ბარამიძის განცხადებით, რუსეთი საქართველოში რიგი ოპოზიცონერების ქმედებების წახალისებას ცდილობს.
როგორც ბარამიძემ დღევანდელი მთავრობის სხდომაზე განაცხადა, რუსეთი საქართველოში ზედმეტად და საკმაოდ უხეშად არის დაინტერესებული განსაკუთრებით 90-იანი წლების დასაწყისიდან მას შემდეგ რაც საქართველომ დამოუკიდებლობა ხელახლა დაიბრუნა.
"რატომ არის ასეთი არაჯანსაღი დაინტერესება რატომ ხორციელდება ჩვენი ქვეყნის ტერიტორიების ოკუპაცია და ამ ტერიტორიებიდან ტერორისტული აქტებისა და საბოტაჟების განხორციელება, რატომ დარბიან არაპოპულარული და მხარდაჭერის არმქონე პოლიტიკოსები კრემლში პუტინთან და რატომ იმუქრებიან ისინი დაუმტკიცებენ საზოგადოებას რომ ხელისუფლებას შეცვლიან, ეს ალბათ რუსეთის ხელისუფლებას უნდა ვაკითხოთ" - განაცხადა ბარამიძემ.
მისი თქმით, დემოკრატიულ საზოგადოებაში ძალადობის გარეშე ამ ყველაფრის მიღწევა როგორ უნდა მოხდეს საკითხავია.
"გასაგებია რომ რუსეთის არაჯანსაღი ქმედებები ერთგვარად ახალისებს იმ პოლიტკოსებს, რომლებსაც არანაირი შანსი არ აქვთ არჩევნებში.Mეს წახალისება მათ აძლევთ საშუალებას ილაპარაკონ ძალადობაზე და მითიურ მოვლენებზე, რომლეიბიც მათ უცებ მოუტანს სასურველ კაბინეტებსა და თანამდებობებს. ეს ყველაფერი მათ უკვე ჰქონდათ როგორც ჩანს საქმე ვერ გააკეთეს, სიხარბემ სძლიათ და დღეს რუსეთის ინტერსების გამომხატველად მოდიან ქვეყანაში სიტუაციის ასარევად. მიუხედავად ოკუპაციისა ჩვენი ქვეყანა ვითარდება.", - განაცხადა გიორგი ბარამიძემ.
