საქართველო აღარ არის ის სახელმწიფო, რომ ვინმემ შეძლოს მისი კონსტიტუციის ფარგლებიდან გამოყვანა. ამის შესახებ პარლამენტის თავმჯდომარემ დავით ბარქაძემ ბიუროს სხდომაზე ლაშაYთორდიასა და პაატა დავითაიას განცხადების გამოხმაურებისას აღნიშნა.
მისი თქმით, აქციებზე დაფიქსირებული ყველა დარღვევა უნდა იყოს გამოძიებული და დაისაჯოს დამნაშავე.
"ეს ეხება ორივე მხარეს. დამნაშავე უნდა დაისაჯროს რადგან ეს არის დემოკრატიის ელემენტარული წესი", - აღნიშნავს ბაქრაძე.
პარლამენტის თავმჯდომარის შეფასებით, საქართველო არის დემკრატიული სახელმწიფო და შესაბამისად კანონის ფარგლებში აზრის თავისუფლად გამოხატვა აქციებზე ყველას შეუძლია.
"საქართველოში აქციები იყო, არის და იქნება მომავალშიც, თუმცა დემოკრატიის ძალიან მნიშვნელოვანი ელემენტებია კანონის და წესრიგის დაცვა და ბუნებრივია ქართული სახელმწიფო ამას უზრუნველყოფს'", - აღნიშმნა ბაქრაძემ.
ამასთან, ბაქრაძემ ყველა მხარეს მოუწოდა განსხვავებულ აზრს პატივი სცენ, თუნდაც ის მისაღები არ იყოს რომელიმე მხარისთვის.
