ადამიანის უფლებათა დაცვისა და ინტეგრაციის კომიტეტის თავმჯდომარემ ლაშა თორდიამ "სახალხო კრების" და "ქართული პარტიის" ლიდერებისა და აქტივისტების მხრიდან ჟურნალისტებზე ზეწოლის ფაქტები დაგმო.
როგორც თორდიამ დღეს, ბიუროს სხდომაზე განაცხადა, საქართველოს კონსტიტუციით ყველას გარანტირებული აქვს აზრის გამოხატვის თავისუფლება მანიფესტაციის საშუალებით, თუმცა მიმდინარე მანიფესტაციაზე საშიში ტენდენცია გამოიკვეთა, რაც ჟურნალისტებზე ზეწოლის ფაქტებს ეხება.
"ერთის მხრივ აქციის ორგანიზატორები და მონაწილეები ითხოვენ მედიის დამოუკიდებლობას და მერეს მხრივ ფიზიკურ შეურაცხყოფას აყენებენ ჟურნალისტებს. ამ ფაქტებთან დაკავშირებით უნდა გაკეთდეს ძალიან მკვეთრი შეფასებები როგორც ჩვენგან, ისევე ყველა პოლიტიკური სუბიექტების მხრიდან, რომ მომავალში მსგავს ფაქტებს არ ჰქონდეს ადგილი", - აღნიშნა თორდიამ.
მისივე თქმით, საქართველოში დემოკრატიულ საზოგადოება შენდება, რომლის ერთ-ერთი მფუძემდებლური პრინციპი ჟურნალისტურ საქმიანობაში ჩაურევლობაა, რათა პოლიტიკური მოვლენები ობიექტურად იყოს გაშუქებული.
"ჩვენ ყოველთვის ვიძახით, რომ მედია უნდა იყოს დამოუკიდებელი, მიუკერძოებელი და ჩვენი ოპონენტები, რომლებიც დღეს აწყობენ აქციას ახორცილებენ ჟურნალისტებზე ზეწოლას და მათ ფიზიკური შეურაცხყოფას აყენებენ, რაც ყოვლად მიუღებელია", - აღნიშნა ადამიანის უფლებების დაცვის კომიტეტის თავმჯდომარემ.
