პარლამენტის ვიცე-სპიკერი პაატა დავითაია სამართლადამცველებისგან "სახალხო კრების" აქციებზე მომხდარი ზეწოლის ფაქტების გამოძიებას ითხოვს.
აღნიშნული მოთხოვნა დავითაიამ დღეს, ბიუროს სხდომაზე გაახმოვანა და აღნიშნა, რომ სამართლადამცავმა ორგანოებმა ზეწოლის ფაქტებზე გამოძება უნდა დაიწყონ, რომელიც განხორციელდა, როგორც ჟურნალისტებზე, ასევე აქციის მონაწილეებზე.
"ყველას აქვს უფლება კონსტიტუციის ფარგლებში მშვიდობიანი აქცია გამართოს, რომელიც არ უნდა გასცდეს კანონის ფარგლებს, როგორც აქციის მონაწილეების მხრიდან, ასევე ხელისუფლების მხრიდან. მაგრამ როდესაც ხდება ზეწოლა ჟურნალისტებზე და თუნდაც აქციის მონაწილეებზე, ძალადობის ფაქტების გამოძიება აუცილებლად უნდა მოხდეს", - აღნიშნა დავითაიამ.
მისივე თქმით, კონსტიტუციის ფარგლებიდან პროცესების კონტროლიდან გამოსვლას შეიძლება სავალალო შედეგები მოჰყვეს, რომლის სამწუხარო მაგალითიც უკვე აქვს საქართველოს.
