„ხუდონჰესის" ოპერატორმა ინდურმა კომპანიამ Trans Electrica Ltd-ი ჰესის მშენებლობის ტერიტორიიდან, მთავრობას მოსახლეობის განსახლების გეგმა უნდა წარუდგინოს.
როგორც ენერგეტიკისა და ბუნებრივი რესურსების მინისტრმა ალექსანდრე ხეთაგურმა აღნიშნა, კომპანიამ ახალი სოფლის მშენებლობის გეგმა უნდა დაამუშაოს, რომელიც უკვე არსებულის მიმდებარედ განთავსდება.
მისი თქმით, Trans Electrica Ltd-მა პროექტის ტექნიკურ-ეკონომიკურ დოკუმენტზე მუშაობა უკვე დაასრულა და წინასაპროექტო სამუშაოებს ივლისში დაიწყებს. თუმცა, 2012 წლის დასაწყისიდან უკვე უშუალოდ ჰესის სამშენებლო სამუშაობი განხორციელდება.
საქართველოს მთავრობასა და Trans Electrica Ltd-ს შორის ხელშეკრულება 2009 წლის დეკემბერში გაფორმდება. „ხუდონჰესის" დადგმული სიმძლავრე 702 მგვტ-ი იქნება, ხოლო წლიური გამომუშავება 1,5 მლრდ კვტ.საათი. პროექტის სავარაუდო საინვესტიციო ღირებულება 700 ათას აშშ დოლარს შეადგენს. „ხუდონჰესი" ექსპლუატაციაში 2017 წელს შევა.
