ბათუმის სარეკლამო კამპანია თურქეთში, სახელწოდებით: "მე მივდივარ ბათუმში" გრძელდება. აჭარის ტურიზმის დეპარტამენტის ინფორმაციით, ლოზუნგი " მე მივდივარ ბათუმში" საკმაოდ ეფექტური აღმოჩნდა თურქეთის რესპუბლიკაში, სადაც უკვე რამდენიმე თვეა ბათუმის აქტიური სარეკლამო კამპანია მიმდინარეობს.
კამპანიის ფარგლებში ბათუმის და მთლიანად რეგიონის რეკლამა გაკეთდა ცნობილ გაზეთებსა და ტელეარხებზე. აღსანიშნავია ტელეარხ TV8 ცნობილი ჟურნალისტის ვიზიტი, რომელიც რამდენიმე დღით იმყოფებოდა ბათუმში და მოინახულა აჭარის ღირშესანიშნაობები: გონიოს ციხე, მახუნცეთის ჩანჩქერი, ღამის ბათუმი და სხვა. გაეცნო რეგიონის ტურისტულ პოტენციალს. ამის შემდეგ სპეციალური გადაცემა გაკეთდა, რამაც დიდი გამოხმაურება გამოიწვია და ბევრმა გამოთქვა სურვილი, მოინახულოს ბათუმი.
