რეგიონალური განვითარებისა და ინფრასტრუქტურის სამინისტროს ნაპირდაცვის სამსახური შეუერთდა.
აღნიშნული სამსახურის თანამშრომლებს დღეს მინისტრი რამაზ ნიკოლაიშვილი შეხვდა და მათთან ის პრიორიტეტული პროექტები განიხილა, რომლებიც პირველ ეტაპზე განხორციელდება.
როგორც შეხვედრაზე გახდა ცნობილი, სამინისტრო ნაპირდაცვის სამსახურისთვის თანამედროვე ტექნიკით აღჭურვილ ლაბორატორიას შეიძენს.
„ეს სამსახური უნდა გაძლიერდეს და ამისთვის ვფიქრობთ ტექნიკა შევიძინოთ, რათა უფრო ეფექტურად ვებრძოლოთ სტიქიას, რომელსაც მეწყერი ჰქვია", - განაცხადა მინისტრმა.
ნაპირდაცვის სამსახურის საქმიანობა შავი ზღვის, მდინარეებისა და წყალსატევების სანაპირობეზე არსებული მდგომარეობის შესწავლა-მონიტორინგს, ასევე მოსახლეობის საჭირო ღონისძიებების გატარებასა და ნაპირსამაგრი სამუშაოების პროექტირებას მოიცავს.