ეგვიპტის ხელისუფლებამ ქვეყნის ტურისტული სფეროს დანაკარგი დათვალა, რაც ქვეყანაში მომხდარი არეულობისა და სახალხო მღელვარების შედეგად განხორციელდა.
როგორც აღმოჩნდა, სამთვიანი რევოლუცია ქვეყანას 2, 27 მილიარდი დოლარი დაუჯდა, ტურისტებისთვის პოპულარულ შარმ-ალ-შეიხისა და ჰურგადის კურორტებზე კი სასტუმროებში ხალხის ნაკადი 15 %-მდე შემცირდა.
ეგვიპტური სტატისტიკის სააგენტო CAPMAS-ის ექსპერტები არასაიმედო პროგნოზს აკეთებენ, რომლის თანახმადაც, დანაკარგები 4 მილიარდ დოლარს უნდა შეადგენდეს. მარტის მონაცემებით, ეგვიპტეში ტურისტული ნაკადის გასული წლის ამავე პერიოდთან შედარებით 60%-ით შემცირდა.
ტურიზმი ეგვიპტის ეკონომიკის ერთ-ერთი მთავარი სფეროა, რომლითაც ქვეყნის შრომისუნარიანი მოსახლეობის 10% -ია დაკავებული.
ცნობისთვის, პირამიდების ქვეყანაში ჩასულ ტურისტთა საერთო რაოდენობა ყოველწლიურად 15 მილიონია. 2010 წელს ტურიზმით მიღებულმა შემოსავლებმა დაახლოებით 13 მილიარდი დოლარი შეადგინა.
