დუშეთის მაჟორიტარი დეპუტატი გუდაურის სარეკრიაციო ზონის გაფართოებას ითხოვს. როგორც დღეს კობა ბადაგაძემ დარგობრივი ეკონომიკისა და ეკონომიკური პოლიტიკის კომიტეტის სხდომაზე "სალიცენზიო და სანებართვო მოსაკრებელის შესახებ კანონში ცვლილიებების შეტანის განხილვისას განაცხადა, გუდაურის მიმდებარე ტერიტორიაზე, კერძოდ კი სოფელ სეთურეთსა და ქუმლისციხეში განვითარებულია ინფრასტრუქტურა და შენდება სასტუმროები, მისი თქმით, კარგი იქნება თუ ამ მიდამოებში სამორინეების მოწყობა გათავისუფლდება მოსაკრებლის გადასახადისგან.
მის გამოსვლას კომიტეტის თავმჯდომარე გიოგრი მელაშვილი გამოეხმაურა და აღნიშნა, რომ აღნიშნულ საკითხთან დაკავშირებით საჭიროა მთავრობასთან კონსულტაციების გავლა და მეორე მოსმენისთვის საკითხი უკვე დაზუსტებული იქნება.
კანონპროექტის თანახმად, ბათუმში, დუშეთის მუნიციპალიტეტის ბაზალეთის ტბის მიმდებარე ტერიტორიის, გუდაურის სარეკრეაციო ტერიტორიაზე, დაბა ბაკურიანის ტერიტორია ასევე ქობულეთის, ბორჯომის, წყალტუბოსა და სიღნაღის მუნიციპალიტეტის ტერიტორიებზე სამორინეების მოწყობა თავისუფლდება სანებართვო მოსაკრებლის გადასახადისგან, რომელიც ნორმის თანახმად, 5 მილიონ ლარს შეადგენს.
