ტურისტული სააგენტოების მომსახურებისა და სასტუმროს ფასები წლის ბოლომდე დაიკლებს, ამის შესახებ განცხადებას აზერბაიჯანის კულტურისა და ტურიზმის მინისტრი აბულფაზ გარაევი აკეთებს.
მისი თქმით, უკვე მზადდება დოკუმენტი, შიდა ტურიზმზე ფასების დასაწევად.
"ამ ზაფხულს, ტურისტული კომპანიების მომსახურების ტარიფები და სასტუმროს ფასები შარშანდელთან შედარებით გაცილებით მისაღები იქნება", - განაცხადა მინისტრმა.
კულტურისა და ტურიზმის მინისტრი ვერ აკონკრეტებს, თუ რამდენი პროცენტით შემცირდება ფასები, თუმცა აღნიშნა, რომ ეს დამოკიდებული იქნება თავად ტურისტული ობიექტების ეკონომიკურ მდგომარეობაზე.
"ეს ჩვენი რეკომენდაციაა და იმედი მაქვს რომ ივნისის შუა რიცხვებში ტარიფები შემცირდება", - აღნიშნა მინისტრმა