დღეს, 11 მაისს, 12:00 საათზე, "საქართველოს კარიტასი" პროფესიულ სადურგლო სახელოსნოს გახსნის (ნინუა ქ. 3).
როგორც კარიტასში აცხადებენ, სახელოსნოს გახსნა ხელს შეუწყობს დაუცველ ბავშვებს მომავალ საქმიანობაში. პროფესიულ სადურგლო სახელოსნოს რეკონსტრუქციისთვის და მოწყობისთვის ფინანსები "კარიტასის" საერთაშორისო პარტნიორებმა და დონორებმა გამოყვეს.
სახელოსნოს გახსნაზე მიწვეულები არიან საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი, დიპლომატიური კორპუსის წარმომადგენლები და კათოლიკური ეკლესიის წარმომადგენლები საქართველოში, სომხეთსა და აზერბაიჯანში. ასევე მთავრობის წარმომადგენლები.
საქველმოქმედო ფონდი კარიტასი საქართველოში 1994 წლიდან მოღვაწეობს. ის ეხმარება ღარიბ და დაუცველ ადამიანებს განურჩევლად ეროვნებისა, აღმსარებლობისა თუ სოციალური მდგომარეობისა.
