ადიდებულმა ალაზანმა ბუნებრივი აირის ცენტრალური მაგისტრალი გაგლიჯა, რის გამოც ყვარლის რაიონს ბუნებრივი აირი არ მიეწოდება. როგორც კახეთის საინფორმაციო ცენტრს „სოკარ ჯორჯია გაზი კახეთის" რეგიონალური სამმართველოს უფროსმა ნუგზარ ბურკიაშვილმა განუცხადა, დაზიანების აღდგენა ვერ ხერხდება.
„მილი წყალშია და სანამ წყლის დონე არ დაიკლებს, რეაბილიტაციას ვერ მოვახერხებთ", - განაცხადა ბურკიაშვილმა.
მაგისტრალი ბუნებრივი აირის სატრანსპორტო კომპანიას ეკუთვნის. კომპანიის ადმინისტრაციაში განმარტავენ, რომ ავარიის ლიკვიდაცია დროულად მოხერხდა, სარეაბილიტაციო სამუშაოების დაწყების დრო კი ჯერ უცნობია.
