საქართველო-აზერბაიჯანის საერთო ტურისტული პაკეტის ფარგლებში, The Grand Hotel Europe საქართველოს სასტუმროებთან პარტნიორობისათვის მზადაა.
The Grand Hotel Europe გენერალური მენეჯერის ტოლგა აკაშის განცხადებით, საქართველოს ეკონომიკისა და მდგრადი განვითარების მინისტრის წინადადების რეალიზაციისათვის, სასტუმრო მზადყოფნას გამოთქვამს უცხოელ ტურისტებს განსაკუთრებული პირობები შესთავაზოს.
შეგახსენებთ, რომ საქართველოს ეკონომიკისადა მდგრადი განვითარების მინისტრმა ვერა ქობალიამ აზერბაიჯანის კულტურისა და ტურიზმის სამინისტროს ერთობლივი ტურისტული პაკეტის შექმნა შესთავაზა. ერთობლივი პაკეტის ფარგლებში უცხოელ ტურისტებს შესაძლებლობა ექნებათ, 2 კვირის ფარგლებში დაისვენონ, როგორც საქართველოში ასევე აზერბაიჯანში.
