აფხაზ სეპარატისტთა ლიდერი სერგეი ბაღაფში "Newsweek" ისათვის მიცემულ ინტერვიუში აცხადებს, რომ იგი აფხაზეთში ქართულენოვანი მედიის გაჩენის აუცილებლობას ვერ ხედავს.
"კოსოვოში მუშაობენ სერბები და სერბულენოვანი მედია, მაგრამ სოხუმში არა მგონია ამის აუცილებლობა იყოს. აქ ხომ ერთეული ქართველები ცხოვრობენ. ეს არის შერეული ოჯახები და სხვა მსგავსი. გალში მაგალითად გამოდის გაზეთი მათ მშობლიურ, მეგრულ ენაზე. ხოლო რაც შეეხება ქართულ ენას _ არამგონია ეს აქ მალე მოხდეს, ვინაიდან ჩვენთან ამის აუცილებლობა არ არის",_ აცხადებს სერგეი ბაღაფში და დასძენს, რომ ისინი სულაც არ არიან წინააღმდეგნი იმისას, რომ გალელებმა თავისი მშობლიური ენა სკოლებში ისწავლონ.
"ისინი თავის მშობლიურ ენად ქართულს მიიჩნევენ _ კი ბატონო, ისწავლეთ ქართულ ენაზე, მხოლოდ ჩვენი სასწავლო პროგრამით. იმიტომ რომ თქვენ ცხოვრობთ აფხაზეთში და აფხაზეთის კანონებს უნდა დაემორჩილოთ", _ აცხადებს სერგეი ბაღაფში.
