ვერავინ მოიგონებს ისეთ ფორმულირებას, რომ არჩევნებზე დიდი მხარდაჭერის შემთხვევაშიც კი პოლიტიკურმა ძალამ ნაკლები მანდატი მიიღოს. ამის შესახებ საპარლამენტო უმრავლესობის ერთ-ერთმა ლიდერმა პავლე კუბლაშვილმა საარჩევნო კოდექსზე სამუშაო პროცესის შეფასებისას აღნიშნა.
"დარწმუნებული ვარ, ცვლილებები განხორცილდება, მაგრამ როგორ იქნება ეს, ჯერ ვერ გეტყვით, ალბათ კონსულტაციებს ინდივიდუალურად გავაგრძელებთ", - აღნიშნა კუბლაშვილმა და დასძინა, რომ "ნაციონალური მოძრაობა" მზად არის საარჩევნო კოდექსთან დაკავშირებით პარტიებთან შეთანხმებას მიაღწიოს.
"არის პოლიტიკური პარტიების ერთი ნაწილი, რომელმაც გადაწყვიტა, რომ უნდა მიეტოვებინათ მოლაპარაკების მაგიდა და სადღაც წასულიყო", - დასძინა კუბლაშვილმა.
უმრავლესობის წევრის თქმით, ოპოზიცია აცხადებს, რომ სანამ "ნაციონალური მოძრაობა" არ შეიცვლის პოზიციას, მოლაპარაკების მაგიდასთან არ დაბრუნდება.
"პოზიციას შეცვლაში გულისხმობენ, რომ მაჟორიტარები აღარ მოვითხოვოთ ყველა რაიონში და ცდილობენ როგორმე მაჟორიტარების ფუნქცია დააკნინოს. ასე არ ხედება. არჩევნებია მთავრია და ვერავინ მოიგონებს ისეთ ფორმულირებას, რომ არჩევნებზე დიდი მხარდაჭერის შემთხვევაშიც კი პოლიტიკურმა ძალამ ნაკლები მანდატი მიიღოს. ხალხი გადაწყვეტს დამოუკიდებელი და გამჭირვალე არჩევნების გზით ვინ უნდა იყოს ხელისუფლებაში", - დასძინა კუბლაშვილმა.
