შ.პ.ს. "როსნეფტ-შელფ აბხაზიამ" სოხუმში ბრიფინგი ჩაატარა, საზოგადოებას 2011 წლის მუშაობის გეგმები წარუდგინა და უკვე ჩატარებული სამუშაოს შედეგები გააცნო. ინფორმაციას ამის შესახებ აფხაზური მედია ავრცელებს.
აფხაზეთის შელფი წინა წლებში ჩატარებული სამუშაოს შედეგების მიხედვით ნახშირწყალბადის ნედლეულის მომავალი ძიების სამუშაოს ჩასატარებლად პერსპექტიულია. განაცხადა შ.პ.ს. "როსნეფტ-შელფ აბხაზიას" წამყვანმა სპეციალისტმა, გეოლოგმა ტიმურ მაანმა სოხუმში ჩატარებულ პრესკონფერენციაზე.
მისი თქმით, 2010 წელს უკვე ჩატარებულია მოდიფიკაციის სეისმოდაზვევითი სამუშაო, გრავიმაგნიტური და გეოქიმიური კვლევები, ასევე ეკოლოგიური მონიტორინგი.
"სეისმური და გრავიმაგნიტური გადაღებები სრული მოცულობითაა შესრულებული. სეზონის გეოქიმიური კვლევების შედეგად გადაწყდა, რომ ჩატარებულიყო დეტალური ქიმიური გადაღება. სამუშაო შედეგად დაზუსტებული იქნება ანომალური მონაკვეთების განლაგება და შეფასება მიეცემა ნავთობგაზშემადგენლობის პერსპექტივას", _ განაცხადა მაანმა.
მისი თქმით, მიმდინარე 2011 წელს ჩატარდება ელექტროდაზვერვითი სამუშაო, დეტალური გეოქომიური კვლევები, სეისმოდაზვერვითი და სხვა გეოფიზიკური მონაცემების დამუშავება და ეკოლოგიური მონიტორინგი.
