"ჩემს ბავშვობაში სკოლაში ძირითადად გოგონები სწავლობდნენ, ბიჭი თუ სწავლობდა, ლამის უმცირესობის და შავი ყვავის როლში იყო. საერთოდ, კარგად სწავლა ითვლებოდა ცუდ ტონად",_აღნიშნა მიხეილ სააკაშვილმა ბორჯომის რაიონის სოფელ ტაძრისში ახალი სკოლის დათვალიერების დროს სერთიფიციტებულ პედაგოგებსა და მოწაფეებთან შეხვედრისას.
პრეზიდენტის თქმით, თანამედროვე სამყაროში ყველაფერი შეჯიბრებითობას ეფუძნება. ამის გამოხატულებაა, რომ საქართველოს სკოლის მოსწავლეთა მესამედი, ანუ 180 ათას ბავშვზე მეტი, წელს ოლიმპიადაზე გავიდა.
"ეს ნიშნავს, რომ ბავშვები მოერგნენ საბაზრო ეკონომიკას და უნდათ, ერთმანეთს შეეჯიბრონ", _ განაცხადა პრეზიდენტმა.
