"დღეს საქართველოს სკოლებში საშუალო ხელფასი არის 380 ლარი. სერთიფიკატის პირველი საფეხურის გავლის შემთხვევაში, ემატებათ 75 ლარი, ხოლო სერთიფიცირებული მასწავლებლის ხელფასი, კომპიუტერისა და ინგლისურის ცოდნის შემთხვევაში, დამატებით 125 ლარია. საერთო ჯამში, ეს მოგვცემს 580 ლარს საშუალო ხელფასს საქართველოს საშუალო სკოლებში",_ აღნიშნა მიხეილ სააკაშვილმა ბორჯომის რაიონის სოფელ ტაძრისში ახალი სკოლის დათვალიერების დროს სერთიფიციტებულ პედაგოგებსა და მოწაფეებთან შეხვედრისას.
მისი თქმით, საუკეთესო სერთიფიცირებულ მასწავლებელს, რომელიც ყველა სერთიფიკაციას გაივლის, ხელფასი 1000 ლარი იქნება. მაღალმთიანი პროგრამის სახელფასო დანამატი კი 1000 ლარია.
პრეზიდენტის დაპირებით, ქართულის, როგორც მეორე ენის, პროგრამის მონაწილეთა სერთიფიცირებული მასწავლებელი ხელფასის დანამატს მიიღებს.
"ახლა ვუშვებთ სახელმძღვანელოებს, სადაც მათემატიკა ერთდროულად სომხურ და ქართულ, აზერბაიჯანულ და ქართულ, ოსურ და ქართულ, რუსულ და ქართულ ენებზე იქნება. თუ მასწავლებელი ამას ასწავლის, 200 ლარი დაემატება", _აღნიშნა საქართველოს პრეზიდენტმა.
