რუსმა ოკუპანტებმა გალის რაიონის სოფელ ჭუბურხინჯის მკვიდრი, 22 წლის ნიკა ჯონჯუა ცემით მოკლეს. ამის შესახებ ჟურნალისტებს ინფორმაცია აფხაზეთის მთავრობის წარმომადგენლობის ხელმძღვანელმა სამეგრელო-ზემო სვანეთში თორნიკე კილანავამ მიაწოდა.
"საოკუპაციო ძალები გალის რაიონი სოფლების მაცხოვრებლებს პირადი დოკუმენტის შემოწმების მიზნით უკვე სახლებში უვარდებიან, ხდება მათი დაკავება. ერთ-ერთი ასეთი ინციდენტისას მათ ჯოჯუების ოჯახიდან 22 წლის ახალგაზრდა გაიტაცეს, რომელიც ცემაში შემოაკვდათ", - განმარტა კილანავამ.
მისივე თქმით, საოკუპაციო ძალებმა სოფლები ჭუბურხინჯი და დიხაზურგა ალყაში მოაქციეს.
