საერთაშორისო ორგანიზაციები ცალსახა რეზოლუციებს მხოლოდ ტოტალიტარული სახელმწიფოების მიმართ იღებენ. ამის შესახებ რეინტეგრაციის საკითხებში სახელმწიფო მინისტრმა ეკა ტყეშელაშვილმა ევროსაბჭოს საპარლამენტო ასამბლეის მიერ საქართველოს შესახებ მიღებული რეზოლუციის შეფასებისას აღნიშნა.
"არც ერთი დემოკრატიის მიმართ არ ხდება ცალსახა დოკუმენტი მიღება საერთაშორისო ორგანიზაციების მიერ. ასეთი ცალსახა დოკუმენტს, უარყოფით კონტექსტში მხოლოდ ტოტალიტარული რეჟიმების მიმართ იღებენ", - აღნიშნა ტყეშელაშვილმა.
მისივე თქმით, დემოკრატიულ ქვეყნებთან მიმართებაში კი ხდება როგორც სიკეთეების დანახვა, ასევე კრიტიკაც და ეს ჩვეულებრივი მოვლენაა.
"საქართველოს ხელისუფლება ცალკეულ ფაქტებზე მუშაობს, რაც შეიძლება კრიტიკის საგანი იყოს", - აღნიშნა სახელმწიფო მინისტრმა.
რაც შეეხება რეზოლუციაში აფხაზეთის და ცხინვალის ოკუპირებულ ტერიტორიებად კიდევ ერთხელ მოხსენებას, ტყეშელაშვილი მიიჩნევს, რომ მიუხედავად რუსეთის წინააღმდეგობისა საერთაშორისო საზოგადოებამ "თეთრს თეთრი უწოდა და შავს შავი".
