რუსეთის პრემიერ-მონისტრმა ვლადიმერ პუტინმა პირდაპირი მითითება გასცა, რომ ქვეყანა მსოფლიო სავაჭრო ორგანიაზაციაში გაწევრიანებამდე, ორგანიზაციის მოთხოვნებს არ შეასრულებს
"ეს ჩემი პირდაპირი მითითებაა, ეს არ შეიძლება გაკეთდეს, პარტნიორებსაც უნდა ვუთხრათ ამის შესახებ - არაფერსაც არ შევასრულებთ, სანამ სრულუფლებიანი წევრები არ გავხდებით",- აღნიშნა პუტინმა ეკონომიკური განვითარების მინისტრის მოადგილე ანდრეი კლეპაჩთან საუბრისას.
თავის მხრივ, კლეპაჩმა პრემიერ-მინისტრთნ, ელექტრომანქანების სექტორის საწარმოთა თანამშრომლების უკმაყოფილება დააფიქსირა, რაც ჩინელი ექსპორტიორების არაკეთილსინდისიერებით არის გამოწვეული. ამის გამო კლეპაჩმა პუტინს ანტიდემპინგური ზომების გატარება მოსთხოვა, რადაგან რუსეთს ხელები შეკრული ჰქონდა.
"რით არის შეკრული ხელები?"- აღშფოთება ვერ დაფარა პუტინმა. ასჯერ მაინც ვთქვი, რომ სანამ ვმო-ში არ გავწევრიანდებით, მანამდე ხელები მთლიანად თავისუფალი გვაქვს. ჩვენი მოვალეობა უნდა შევასრულოთ და წევრობის გამო არანაირ უპირატესობას არ უნდა ველოდოთ",- აღნიშნა პუტინმა.
პუტინი დარწმუნებულია, რომ ვალდებულებების წინასწარი შესრულება რუსეთს იქამდე მიიყვანს, რომ ვმო-ს რუსეთის თავის რიგებში მიღების აზრი დაეკარგება.
"როგორც კი ვმო-ს ჩარჩოებით გათვალისწინებული მოვალეობების შესრულებას შევუდგებბით, მათ ჩვენი მიღების ყოველგვარი სურვილი დაეკარგებათ," - აღნიშნა პუტინმა.
