"ეროვნული საბჭოს" ლიდერი ზვიად ძიძიგური მოსახლეობაში "ნაციონალური მოძრაობის" 52 %-იან რეიტინგს "მუდმივი პროპაგანდით" ხსნის.
"4-5 ტელევიზიის პირობებში, რომლებიც დილიდან საღამომდე იმას იძახის, რომ ბედნიერ ქვეყანაში ვცხოვრობთ, "ნაციონალური მოძრაობის" ლიდერობა გასაკვირი არაა. რა თქმა უნდა, ასეთი პროპაგანდა მოქმედებს საზოგადოებაზე.
მინდა შეგახსენოთ, რომ 2008 წლის აგვისტოს ომის წაგების შემდეგ თბილისის მოსახლეობის 28 %-ს კარგა ხნის განმავლობაში სჯეროდა, რომ ის მოვიგეთ. ასეთი პროპაგანდის პირობებში მიკვირს "ნაციონალურ მოძრაობა" 52 % კი არა, რატომ 92 % არ დაუწერეს", - განუცხადა ძიძიგურმა ჟურნალისტებს არასამთავრობო ორგანიზაცია NDI-ის მიერ ჩატარებულ კვლევაზე კომენტირებისას, რომლის მიხედვითაც, წინასწარი ინფორმაციით, მმართველ გუნდს მოსახლეობის 52 %-ზე მეტი ენდობა.
