"საქართველოს მთავრობას საშუალება ეძლევა დაბლოკოს აშშ-რუსეთის "გადატვირთვის" პოლიტიკის მთავარი მიზანი - ვაჭრობის მსოფლიო ორგანიზაციაში რუსეთის გაწევრიანება", - წერს "Woshington Post"-ი.
როგორც ჟურნალისტი ჯოშ როგინი წერს, "ქართველებს სურთ რუსეთთან გარიგებას მიაღწიონ, მაგრამ მხოლოდ იმ პირობით, თუკი მოსკოვი ვმო-ს ვაჭრობისა და საბაჟო წესებს დაემორჩილება, რაც ოკუპირებულ ტერიტორიებთან დაკავშირებით რუსეთის მიერ დათმობებზე წასვლას გულისხმობს".
ამასთან, სტატიაში ავტორს The Cable-ისთვის მიცემულ ექსკლუზიურ ინტერვიუში საქართველოს პრეზიდენტ მიხეილ სააკაშვილის მიერ გაკეთებული განცხადებაც მოჰყავს და აცხადებს, რომ ქვეყნის პირველი პირი აღნიშნულ საკითხთან დაკავშირებით მოსკოვთან დაწყებულ დიალოგს მიესალმება.
"ჯერ ადრეა იმის განცხადება, იქნება თუ არა რუსეთი პატიოსანი მოლაპარაკებების პროცესში, ან სურს თუ არა მას რეალურ დათმობებზე წასვლა... იმის დემონსტრირება, რომ შეუძლიათ მოქნილი და კომპრომისული გადაწყვეტილების მიღება, რუსებზეა დამოკიდებული", - Woshington Post"- ის აღნიშნულ სტატიაში პრეზიდენტ სააკაშვილის ეს ციტატა მოხვდა.
