საბერძნეთის ხელისუფლებამ პარლამენტში ცხოველთა უფლებების დაცვის კანონი დაამტკიცა, რომლის თანახმადაც, ცხოველის მიმართ უხეში მოპყრობა პასუხისმგებლობის გაზრდას ითვალისწინებს. ამ კანონთა თანახმად, ცხოველების ცირკი აკრძალვას დაექვემდებარა.
პარლამენტში, სადაც კანონპროექტი უნდა დამტკიცდეს, მმართველ მემარცხენე ცენტრისტულ პარტიას უმრავლესობა უჭირავს. წარმატების შემთხვევაში, საბერძნეთში მთლიანად აიკრძალება ნებისმიერი სახით ცხოველთა მოთვინიერება, მათ შორის,_ საცირკო სანახაობის გამართვის მიზნით.
ცხოველებთან მკაცრი მოპყრობის შემთხვევაში, კანონპროექტი სისხლის სამართლის პასუხისმგებლობის გამკაცრებასაც ითვლისწინებს. ამიერიდან ამ მუხლით გასამართლებული პირი, შესაძლოა, ციხეში გაგზავნონ. ეს მაშინ, როცა წინათ გარკვეული თანხის გადახდის შემდეგ შეიძლება პატიმრობის ვადა შეეცვალათ.
ამასთან, შინაურ ცხოველებთან მკაცრი მოპყრობის გამო ჯარიმაც მოიმატებს და ის 30 ათას ევროს მიაღწევს.
ამ სახის ცირკის აკრძალვასთან დაკავშირებით სამთავრობო დონეზე დებატები 2009 წლიდან მიმდინარეობს. ამის მიზეზი სატელევიზიო კადრები გახდა, სადაც ადგილობრივი ცირკის მომსახურე პერსონალი ჯოხით სპილოს ცემდა. მართალია, საბერძნეთში მდიდარი საცირკო ტრადიცია არ არსებობს, მაგრამ ქვეყანაში უცხოური ცირკი-შაპიტოები საგასტროლოდ ჩადიან.
ამასთან, საბერძნეთის ცხოველთა უფლებების დამცველმა საზოგადოებრივმა ორგანიზაციებმა ბალკანეთის ნახევარკუნძულზე მცხოვრები ბერძნებისთვის ტრადიციული პროფესიის_დათვების მოთვინიერების აღმოფხვრას მიაღწიეს. აქამდე გაწვრთვნილი დათვები მეპატრონეებს ბაზრობებზე მიჰყავდათ.
აკრძალვის შემდეგ არაერთი ცხოველი ჩამოართვეს მომთვინიერებლებს, რომელთა ტრადიციულ მეთოდად დათვების გაწვრთნის უმკაცრესი წესის გამოყენება ითვლებოდა. მათ შორის, ცხელი რკინით თათების დაწვაც შედიოდა.
