ევროკავშირის ხელმძღვანელობამ, ახალი რეგიონალური პროექტის East Invest-ის დაწყების შესახებ განაცხადა. აღნიშნული პროექტის მიზანს აღმოსავლეთის პარტნიორობაში ჩართული ქვეყნების (საქართველო, აზერბაიჯანი, ბელორუსი, სომხეთი, უკრაინა, მოლდოვა) ეკონომიკების მხარდაჭერა წარმოადგენს.
პროექტის ბიუჯეტი 8,75 მლნ. ევროს შეადგენს.
სამეზობლო პოლიტიკის განვითარების ევროკომისარის სტეფან ფულეს განმარტებით, პროგრამა მხარს დაუჭერს, აღმოსავლეთის პარტნიორობის ქვეყნების ეკონომიკურ ტრანსფორმაციას, ევროკავშირში მათი ეკონომიკური ინტეგარციის გზაზე. პროექტის ინიციატორები გეგმავენ, დამყარონ კავშირები ევროკავშირის სახელმწიფო და კერძო ორგანიზაციებსა და აღმოსავლეთის პარტნიორობის წევრი ქვეყნებს შორის დიალოგის განვითარების გზით, ასევე კერძო სექტორის კონსულტირებებით.