წამყვანი საერთაშორისო კომპანია სატელეკომუნიკაციო სივრცეში შპს " ვიმპელკომი " ( NYSE: VIP), რომელიც შპს " მობიტელის" TM Beeline - 51 %-ს ფლობს, 2010 წლის ფინანსურ და საოპერაციო შედეგებს აქვეყნებს.
შედეგების მიხედვით, 2009 წლის ბოლო კვარტალთან შედარებით , საქართველოში ბილაინის ინვესტიცია 467.8% -ით 3.19 მილიონი ა.შ.შ დოლარიდან, 18.11 მილიონ ა.შ.შ დოლარამდე გაიზარდა, გაუნაწილებელი წმიდა მოგება დაბეგვრამდე ( OIBDA) 467 % -ით, 0,62 მილიონიდან 3,29 მილიონამდე. კომპანიის მოგების ზრდამ კი 11 % შეადგინა.
კომპანიის ინფორმაციით, განსაკუთრებული ზრდა დაფიქსირდა აბონენტთა აქტიურ ბაზის მაჩვენებლეშიც, რომელიც ამ პერიოდის განმავლობაში 40 %- ით გაიზარდა.
24,3 % ით შეცირდა 1 წუთის საუბრის ღირებულება ბილაინის აბონენტებისათვის.
"მოხარულები ვართ, იმ ფაქტით, რომ კომპანია ბილაინის 2010 წლის შედეგები საკმაოდ შთამბეჭდავია. მიუხედავად იმ გამოწვევებისა, რომელიც კომპანიის წინაშე იდგა მთელი წლის განმავლობაში, ჩვენ შევძელით და მოგების დინამიკით დავასრულეთ ეს წელი. რაც ჩვენთვის განსაკუთრებით სასიხარულოა, საქართველოს ეკონომიკაში ჩვენს მიერ ჩადებულმა ინვესტიციამ, მხოლოდ ერთი წლის განმავლობაში 18.11 მილიონი ა.შ.შ დოლარი შეადგინა, ასევე რამდენიმე ათეული პროცენტით გაიზარდა ბილაინში დასაქმებულ ადამინათა რიცხვი." - განაცხადა ბილაინის გენერალურმა დირექტორმა ანდრეი პიატახინმა
შეგახსენებთ, რომ "ვიმპელკომის" კომპანიების ჯგუფში შედის კავშირგაბმულობის ოპერატორები, რომლებიც მომსახურებას უწევენ ხმოვან კავშირსა და მონაცემების გადაცემას უსადენო და ფიქსირებული კავშირის ტექნოლოგიების ფართო სპექტრის საფუძველზე და ასევე უზრუნველყოფენ ინტერნეტში ფართოსპექტრიან ხელმისაწვდომობას. "ვიმპელკომის" ჯგუფში შედიან კომპანიები, რომლებიც ახორციელებენ ოპერაციებს რუსეთში, ყაზახეთში, უკრაინაში, ტაჯიკეთში, უზბეკეთში, საქართველოსა და სომხეთში, ასევე ვიეტნამსა და კამბოჯაში. "ვიმპელკომის" კომპანიების ჯგუფის ლიცენზიები მოიცავს ტერიტორიას მოსახლეობის საერთო რაოდენობით 340 მლნ ადამიანი. მომსახურების გაწევა ხორციელდება "ბილაინის" ბრენდით.