1-3 აპრილს, თბილისში, საქართველოს საინფორმაციო ტექნოლოგიების სფეროში მოქმედი კომპანიები სომეხ კოლეგებთან შესაძლო თანამშრომლობის საკითხებს განიხილავენ.
სომხური კომპანია UITE-ს წარმომადგენელმა ვან ოვსენიალმა განაცხადა, რომ საქართველოსა და სომხეთის საინფორმაციო ტექნოლოგიებისა და კომუნიკაციების სფეროში მოღვაწე კომპანიები, ბიზნეს-კოოპერაციის საკითხზე იმსჯელებენ.
მან ასევე აღნიშნა, რომ ქართული და სომხური კომპანიები ფორუმებზე: Digitec Business Forum, Digitec Expo და, GITI-ში მონაწილეობის საკითხსაც განიხილავენ. ასევე განხილულ იქნება რეგიონალური კონკურენციის საკითხები და ინდუსტრიალური განვითარების ინიციატივები.
