JP Morgan-მა 2011 წლისთვის ნავთობის ღირებულების პროგნოზი, ლიბიასა და არაბეთის ზოგიერთ ქვეყანაში, მიმდინარე მოვლენების ფონზე გაზარდა. ბანკის ანალიტიკოსები არ გამორიცხავენ, რომ მეორე კვარტლისთვის "ბრენტის" ფასი ბარელზე 118 დოლარს მიაღწევს.
დღეის მონაცემებით, ლონდონის ბირჟაზე, ნავთობის ფასი ბარელზე, 115,72 დოლარზე დაფიქსირდა. ამერიკულ მსუბუქი მარკის WTI საპროგნოზო ფასად 99 დოლარი ჰქონდა გამოცხადებული, რეალური ფასი კი აპრილის ფიუჩერსისთვის 105,50 დოლარია.ამასთან ყოველდღიური მოპოვების გლობალური მოცულობა ბანკმა კვლავ უცვლელად დატოვა და ის 2011 წლისთვის 1,7 მლნ. ბარელს შეადგენს.
JP Morgan მსოფლიოს ერთ-ერთი ყველაზე ძველი და იმავდროულად უდიდესი გავლენის მქონე საფინანსო კომპანიაა. მისი სათავო ოფისი ნიუ-იორკში მდებარეობს და ის საინვესტიციო სფეროს ლიდერია. JP Morgan-ისთვის მინდობილი აქტივები 2,3 ტრილიონ დოლარს შეადგენს და კომპანიას აშშ-ის საფინანსო ინსტიტუტრებს შორის პირველ პოზიციაზე ამყოფებს.