საქართველოში ლუდის ხარშვის ისტორიასა და გამოცდილებაზე, კომპანია "ნატახტარის" მხარდაჭერით, ელდარ ნადირაძის წიგნის, „ქართული ლუდის" პრეზენტაცია გაიმართა. „ქართული ლუდი" გამომცემლობა „მერიდიანში" დაიბეჭდა და მისი ღირებულება 10 ლარია.
კომპანია „ნატახტარის" მარკეტინგის მენეჯერი, თორნიკე ნიკოლაიშვილი აცხადებს, რომ წიგნის გამოცემა მნიშვნელოვანი პროექტია, როგორც ქართველი ლუდის მოყვარებისათვის ასევე უხცოელებისთვისაც. წიგნი ორ ენაზეა გამოცემული და მისი წაკითხვა და ქართული ლუდის შესახებ ინფორმაციის გაცნობა უცხოელებსაც შეეძლებათ.
"პროექტის განხორციელება ჩვენთვის, კომპანია "ნატახტარისათვის" მნიშვნელოვანია. წიგნი განკუთვნილია როგორც უცხოელებისათვის ასევე ქართველებისათვის. რაც მეტი გამოცდილება გააჩნია, ამ პროდუქციის ღირებულება როგორც ადგილობრივ ასევე საექსპორტო ბაზარზე კიდევ უფრო იზრდება. რაც ელდარ ნადირძის ნაშრომშია აღწერილი ადასტურებს იმას, რომ ჩვენი სახელოვანი წინაპრები ჩვ.წ. აღ-მდე ლუდს ხარშავდნენ და მოიხმარდნენ. წიგნი გამოცემულია ორ ენაზე, რატა უცხოელებისათვისაც საინტერესო იყო. პირადად მე, როგორც რიგითი ადამიანი სიამყით აღვივსე, როდესაც ეს წიგნი წავიკითხე. უფრო სხვა თვალით შევხედე და სხვა მიმართულებით დავინახე ლუდის ხარშვის ხარშვის ისტორია", - განაცხადა კომპანია "ნატახტარის" მარკეტინგის მენეჯერმა თორნიკე ნიკოლაიშვილმა.
წიგნის ავტორი არქეოლოგიური და ეთნოგრაფიული მასალებზე დაყრდნობით მოგვითხრობს ქართული ლუდის, როგორც სამეურნეო პროდუქტის წარმოების საკითხებსა და მის უძველეს ტრადიციებზე საქართველოში. წიგნი "ქართული ლუდი" ეძღვნება თვალსაჩინო ქართველი ეთნოლოგის ანდრო ლეკიაშვილის ხსოვნას.