რეგიონალური განვითარებისა და ინფრასტრუქტურის მინისტრმა რამაზ ნიკოლეიშვილმა გამოთქვა მზადყოფნა - თრუსოს ხეობის არარსებული მოსახლეობისთვის გამოყოფილი 34 ათასი ლარის საკითხი შეისწავლოს.
აღნიშნული საკითხი პარლამენტის რიგგარეშე პლენარულ სხდომაზე სამთავრობო ოპოზიციონერმა დეპუტატმა დიმიტრი ლორთქიფანიძემ დააყენა.
მისი თქმით, ადგილობრივი ხელისუფლების მიერ, თრუსოს ხეობის სოფლების მოსახლეობის კრების აქტის საფუძველზე, 34 ათასი ლარია გამოყოფილი, მაშინ, როდესაც ხეობა დაცლილია და იქ არავინ ცხოვრობს.
"ამ საკითხზე სხვა ინფორმაცია მაქვს, თუმცა მზად ვარ საკითხი დეტალურად შევისწავლო", - აღნიშნა ნიკოლეიშვილმა.
