ფინანსთა სამინისტროს ინფორმაციით, ლონდონში „ფოთის თავისუფალი ინდუსტრიული ზონა - რაკია საქართველოს" ორგანიზებით, იმართება შეხვედრა მსხვილ ინვესტორებთან. შეხვედრაში მონაწილეობას იღებს საქართველო-დიდი ბრიტანეთის სავაჭრო პალატაში შემავალი 100-ზე მეტი უმსხვილესი კომპანის ხელმძღვანელი. მათ შორის არიან კომპანიები: Etco International Commodities Ltd; Mcmillan&Co (Electrical Engineers) Ltd; Kelan Clothing Manufacturers Ltd; Heritage Chocolate Coins; Helifix Ltd; Technology in Motion Ltd; Harvey Fabrication Ltd და სხვა შეხვედრის მიზანია, უცხოური კომპანიებისთვის საქართველოს საინვესტიციო გარემოს, ქვეყანაში მიმდინარე ეკონომიკური რეფორმების გაცნობა და საქართველოში ინვესტირების შესაძლებლობების განხილვა.
ანალოგიური მასშტაბური შეხვედრა ინვესტორებთან მიმდინარე წლის თებერვალში ფინანსთა მინისტრმა გამართა ინდოეთში, სადაც ეკონომიკისა და მდგრადი განვითარების მინისტრთან ერთად მონაწილეობა მიიღო მუმბაიში გამართულ ბიზნესკონფერენციაზე.
კონფერენციას მოჰყვა კონკრეტული შედეგი და დაინტერესება ინდოეთის საქმიანი წრეებიდან - უახლოეს მომავალში საქართველოს საქმიანი ვიზიტით ეწვევიან ინდოეთის უმსხვილესი კომპანიების წარმომადგენლები.
ფინანსთა მინისტრის სამუშაო ვიზიტი დიდ ბრიტანეთში მიმდინარე წლის 26 მარტს დასრულდება.
