კონფლიქტის რეგიონებთან მდებარე სოფლებში 4000 ჰექტარზე საირიგაციო პრობლემები მოგვარდება. ამის შესახებ პარლამენტში, სამთავრობო დებატებზე, რეგიონალური განვითარებისა და ინფრასტრუქტურის მინისტრმა რამაზ ნიკოლეიშვილმა "ქრისტიან-დემოკრატების" კითხვის საპასუხოდ განაცხადა.
"საირიგაციო პრობლემები ჩვენი კომპეტენცია არ არის და მის მოგვარებაში მხოლოდ მაშინ ვერევით, თუ სოფლის მეურნეობის სამინისტრო გვთხოვს. რაც შეეხება თარგამაძის მიერ დაყენებულ საკითხს, ამ მიმართულებით ეუთოსა და ჩვენი ბიუჯეტის თანადაფინანსებით 800 ათასი ევრო და მილიონ-ნახევარი ლარია გამოყოფილი, რომელიც 4000 ჰექტარზე საირიგაციო პრობლემების მოგვარებას მოხმარდება", - აღნიშნა მინისტრმა.
შეგახსენებთ, რომ "ქრისტიან-დემოკრატების" ლიდერმა გიორგი თარგამაძემ რიგგარეშე პლენარულ სხდომაზე გამართულ დებატებზე კონფლიქტურ ზონაში, კერძოდ კი ნიქოზში, ქვემო ხვითში, მეჯვრისხევში, დიცში სარწყავი სისტემის მოგვარების საკითხი დასვა.