"საგზაო ინფრასტრუქტურაში ჩადებული ინვესტიციები ყოველწლიურად მატულობს. 2011 წელს 590 მილიონ ლარს გზების რეაბილიტაციაზე დავხარჯავთ", - განაცხადა პარლამენტში გამოსვლისას რეგიონალური განვითარებისა და ინფრასტრუქტურის მინისტრმა რამაზ ნიკოლაიშვილმა.
მისი თქმით, კვლავაც პრიორიტეტულია ავტომაგისტრალები.
"80 კილომეტრი ბეტონის გზა, რომელიც გორამდე ჩადის, დასრულებულია. ასევე,_ 15 კილომეტრი გზა რუისის მიმართულებით. გარდა ამისა, რიკოთის გვირაბის რეაბილიტაციის პირველი სტადია დასრულდა",_განმარტა მინისტრმა.
მისი თქმით, რამდენიმე თვეში ზესტაფონის შემოვლით გზაზე მუშაობა დაიწყება. რაც შეეხება აჭარის შემოვლით გზას, რომლის განხორციელებაც ორი კვირის წინ ქობულეთის ნაწილიდან დაიწყო, მას სექტემბერში ბათუმის შემოვლითი გზა გააგრძელებს.