რუსეთის ფედერაცია ერთადერთი ქვეყანაა, რომელიც ასრულებს ნაკისრ ვალდებულებებს. ეს განცხადება სეპარატისტული აფხაზეთის ე.წ. პრეზიდენტის მოვალეობის შემსრულებელმა ალექსანდრე ანქვაბმა სოხუმში გააკეთა და საერთაშორისო ორგანიზაციების მიერ აფხაზეთისათვის გაწეულ დახმარებას "შეუმჩნეველი და არაეფექტური" უწოდა.
"რაც შეეხება აფხაზეთისათვის გაწეულ დახმარებას საერთაშორისო ორგანიზაციების ხაზით, რომლისადმი აფხაზეთის ხელისუფლება დადებითადაა განწყობილი, იგი სრულიად შეუმჩნეველი და არაეფექტურია", - განაცხადა ანქვაბმა გაეროს გენერალური მდივნის წარმომადგენელთან ანტი ტურუნენთან შეხვედრისას.
შეხვედრაზე ანქვაბმა ასევე ისაუბრა აფხაზეთში მომავალი რუსულ ინვესტიციებზე და აფხაეთისათვის მათი დიდი მნიშვნელობა აღნიშნა.
"აქ რუსული ბიზნესი ნელნელა მკვიდრდება, ფართოვდება საინვესტიციო სახრების ჩადების სფეროები. თანხები იდება არა მხოლოდ ვაჭრობასა და საკურორტო სფეროში, არამედ ეკონომიკის სხვა მნიშვნელოვან დარგებში", _ განაცხადა ალექსანდრე ანქვაბმა.
