საექსპორტო ათეულში პირველი ადგილი მსუბუქმა ავტომობილებმა დაიკავა, საიმპორტოში - ნავთობმა და ნავთობპროდუქტებმა. საქსტატის მონაცმებით, სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა და 53 მლნ. აშშ დოლარი შეადგინა, რაც მთელი ექსპორტის 18 პროცენტია.
ფეროშენადნობების ექსპორტმა შეადგინა 45 მლნ. აშშ დოლარი, შესაბამისად, ექსპორტის 15 პროცენტი. მესამე ადგილზე შავი ლითონების ჯართის ჯგუფმა გადაინაცვლა. ამ სასაქონლო ჯგუფის ექსპორტმა 26 მლნ. აშშ დოლარი და შესაბემისად მთელი ექსპორტის 9 პროცენტი შეადგინა.
უმსხვილესი საიმპორტო სასაქონლო ჯგუფი 2011 წლის იანვარ-თებერვალში ნავთობი და ნავთობპროდუქტები იყო, რომლის იმპორტმა 96 მლნ. აშშ დოლარი და მთელი იმპორტის 11 პროცენტი შეადგინა. მეორე ადგილზე იმყოფებოდა ნავთობის აირები და აირისებრი ნახშირწყალ¬ბა¬დების სასაქონლო ჯგუფი 63 მლნ. აშშ დოლარით, რაც იმპორტის 7 პროცენტი იყო. მესამე ადგილზე მსუბუქი ავტომობილების ჯგუფის იმპორტია 52 მლნ. აშშ დოლარით, რომლის წილმა იმპორტში 6 პროცენტი შეადგინა.