ეკონომიკისა და მდგრადი განვითარების სამინისტრო, არამიანცის კომპლექსში შემავალ კიდევ ერთ საავადმყოფოს ყიდის. სამინისტრომ, "თბილისის ენდოკრინოლოგიური ცენტრის" სახელმწიფო საკუთრებაში არსებული 100% წილის გასასხვისებლად, ელექტრონული აუქციონი 4 აპრილისათვის დაგეგმა. საავადმყოფოს საწყისი ღირებულება 190 ათასი ლარია და ობიექტის საწესდებო კაპიტალი 189352 ლარითაა განსაზღვრული.
"თბილისის ენდოკრინოლოგიურ ცენტრს" 5642.64 ლარის დებიტორული და 3511.85 ლარის კრედიტორული დავალიანება გააჩნია.
შეგახსენებთ, რომ ე.წ. არამიანცის კომპლექსში შემავალ "ყელ-ყურ ცხვირის კლინიკის" გასასხვისებლად აუქციონი 29 მარტისთვისაა დაგეგმილი. ეკონომიკისა და მდგრადი განვითარების სამინისტრომ ე. წ. არამიანცის კომპლექსში შემავალი 13 საავადმყოფო უკვე გაასხვისა.