აღმოსავლეთ და დასავლეთ საქართველოში სალიფსიტე მეურნეობების შექმნა იგეგმება. ამის შესახებ სამთავრობო დებატებზე სოფლის მეურნეობის მინისტრმა ბაკურ კვეზერელმა უმრავლესობის წევრის კობა ხაბაზის მიერ თევზის რეწვის განვითარების საკითხის დასმის შემდეგ განაცხადა.
"რაც შეეხება თევზის რეწვა, არის გარკვეული პრობლემები. არ არსებობს სალიფსიტე მეურნეობები, სადაც შეიძლება გამოყვანილი იქნას სხვადასხვა ჯიშის ემბრიონები და შემდეგ მოხდეს გავრცელება", - განაცხადა კვეზერელმა.
მინისტრის თქმით, თევზის მრეწველობის განვითარების შეფერხებას ბევრი მიზეზი აქვს, მათ შორის დაავადებები.
"ვმუშაობთ, რომ დასვალეთ და აღმოსვალეთ საქართველოში მინიმუმ თითო სალიფსიტე მეურნეობა მაინც შეიქმნას, რათა მოხდეს ბევრი დასახელების თევზის წარმოება, რადგან ახლა სულ რამდენიმე დასახლების თევზს ვაწარმოებთ", - აღნიშნა კვეზერელმა.