ენერგეტიკის მინისტრის, ალექსანდრე ხეთაგურის ინფორმაციით, 2011 წელს ის 1 მლრდ. 670 მლნ. კუბ/მ-ს შეადგენს. მისივე განმარტებით, აღნიშნულ მოცულობაში 47 % დეფიციტურია, რისი შევსებაც სხვადასხვა წყაროებიდან ხდება.
"2010 წლის განმავლობაში გაგვაჩნდა ბუნებრივი გაზის მოწოდების 45 %-იანი დეფიციტი. რამდენიმე წლის უკან მთლიანად იმპორირებულ გაზზე ვიყავით დამოკიდებული. 2011 წლისთვის კი ქვეყნის მოთხოვნილება არის 1 მლრდ. 670 მლნ. კუბ/მ გაზი და ამის 47 % არის დეფიციტური. მისი შევსება სხვადასხვა წყაროდან ხდება, მათ შორის ძირითადი წყარო აზერბაიჯანი და აზერბაიჯანული კომპანია "სოკარია"", - აღნიშნა გილაურა დღეს, სამთავრობო დებატების ფარგლებში პარლამენტში გამოსვლისას.
ამასთან, მინისტრის თქმით, აღნიშნულიდან გამომდინარე მთავრობამ "სოკართან" გრძელვადიანი ხელშეკრულება გააფორა, რის თანახმადაც, საქართველოში არსებულ ბუნებრივი აირის დეფიციტს მომავალი 10 წლის განმავლობაში სწორედ ეს კომპანია შეავსებს და ფასების სტაბილურობასაც უზრუნველყოფს.
"ხელშეკრულებით მოსახლეობისათვის გაზის საბითუმო ღირებულება არის 143 დოლარი, ხოლო კომერციული სექტორისთვის 220 დოლარი", - განმარტა მინისტრმა.