ენერგეტიკის მინისტრის, ალეკო ხეთაგურის განცხადებით, წელიწადში საშუალოდ 80 ათასი აბონენტის გაზიფიცირება ხდება.
"ქვეყანაში გაზიფიცირების პროგრამა ინტენსიურად მიმდინარეობს. ის პრობლემა, რომელიც არსებობდა, ნაწილობრივ მოგვარებულია. ქალაქებს: ახალციხე, ახალქალაქი, ნინოწმინდა, ბათუმი, ფოთი ზუგდიდი და სხვა, გაზი საერთოდ არ მიეწოდებოდა. Dდღეისათვის ყველა ამ ქალაქში გაზი შეყვანილია და შიდა დაქსელვითი სამუშაოები მიმდინარეობს", - განმარტა ხეთაგურმა პარლამენტში, სამთავრობო დებატების ფარგლებში გამოსვლისას.
მისივე თქმით. გაზიფიცირება დაწყებლია სოფლებშიც.
"დღეის მდგომარეობით 675 ათასი აბონენტი უკვე გაზიფიცირებულია. თუმცა ქვეყანაში არსებობს ისეთი ადგილებიც, სადაც გაზიფიცირება შეუძლებელი და იმავდროულად ეკონომიკურად გაუმართლებელია. წელიწადში საშუალოდ 80 ათასი აბონენტის გაზიფიცირება ხდება", - აღნიშნა მინისტრმა, რომლის ვარაუდითაც, ქვეყნის ძირითადი ნაწილის გაზიფიცირება 2014 წლისთვის დასრულდება.