"ქრისტიან-დემოკრატები"ითხოვენ კომუნალური გადასახადების ერთიანი ქვითრით გადახდა საკონსტიტუციო სასამართლოს გადაწყვეტილებამდე შეჩერდეს. როგორც დღეს, პარლამენტში სამთავრობო დებატებზე ფრაქცია "ქრისტიან-დემოკრატების" თავმჯდომარემ გიორგი ახვლედიანმა განაცხადა, ერთიანი ქვითრების შემოღების შემდეგ თბილისში უკვე დაიწყო სადამსჯელო ღონისძიების და მოსახლეობას დენს სხვა კომუნალური გადასახადების გადაუხდელობის გამო უჭრიან.
"ერთიანი ქვითრების შემოღებაში, უპირველესად დამნაშავე უმრავლესობაა, მაგრამ არამგონია ეს გადაწყვეტილება მათ თქვენთან და მთავრობასთან შეუთანხმებლად მიეღოთ. ამიტომ პასუხისმგებლობა თქვენც გეკისრებათ ადამიანის საკონსტიტუციო უფლების დარღევაში, როდესაც ერთი ხელშეკრულების დარღვევის გამო მათ სხვა უფლებებს ართმევთ", - მიმართა ახვლედიანმა ენერგეტიკისა და ბუნებრივი რესურსების მინისტრს ალექსანდრე ხეთაგურს.
ამასთან, დეპუტატმა მოითხოვა, მინისტრმა თავის პოზიცია დააფიქსიროს რამდენად სამართლიანად მიიჩნევს ერთიანი ქვითრების შემოღებას და არსებობს თუ არა მსგავსი პრეცედენტი მსოფლიოს რომელიმე ქვეყანაში.
"ხომ არ ფიქრობთ, რომ საკონსტიტუციო სასამრთლოს მიერ გადაწვეტილების გამოტანამდე, სადაც ჩვენს მიერ არის გასაჩივრებული ერთიანი ქვითრების შემოღება მისი შეჩერება უნდა მოხდეს?", - დაინტერესდა დეპუტატი.
ამასთან, ახვლედიანმა ეჭვი გამოთქვა, რომ ინდივიდუალური გამრიცხველიანების შესახებ მარეგულირებელი კომისიის დადგენილების არარსებობის გამო ეს პროცესი, შესაძლოა, კიდევ 2013 წლის შემდეგაც გაიწელოს.