2030 წლისთვის ჩინეთი მთლიანი შიდა პროდუქტის მოცულობით აშშ-ს გაუსწრებს. ეს იმ შემთხვევაში მოხდება, თუ ჩინეთის მთლიანი შიდა პროდუქტის მოცულობა 20 წლის განმავლობაში 8 %-ით გაიზრდება. ამის შესახებ მსოფლიო ბანკის მთავარმა ეკონომისტმა ჯასტინ ლინმა განაცხადა.
დღესდღეობით, მშპ-ის მოცულობით, მსოფლიოში პირველი ადგილი აშშ-ის უჭირავს, რაც დაახლოებით, 14,6 ტრილიონ დოლარს შეადგენს.
2010 წლის მონაცემებით, მეორე ადგილზე გავიდა ჩინეთი, რომელმაც ამავე წლის ეკონომიკის მაჩვენებლით იაპონიას გაუსწრო და 5,474 ტრილიონ დოლარი შეადგინა. ჯერ კიდევ 2007 წელს ჩინეთი, ეკონომიკის მხრივ, მსოფლიოში მესამე ადგილზე გავიდა და ეს სტატუსი გერმანიას ჩამოართვა.
უკანასკნელი 10 წლის მანძილზე ჩინეთის ეკონომიკა ყველა სხვა მსხვილი ქვეყნის ეკონიომიკაზე სწრაფად განვითარდა. 1990 წლიდან კი მისი მთლიანი შიდა პროდუქტის მოცულობა 10,4%-ით გაუმჯობესდა.
2011 წელს, ჩინეთის ხელისუფალთა პროგნოზით, ქვეყნის ეკონომიკა კიდევ 8 %-ით გაიზრდება.