ხვალ, 23 მარტს, 15 საათზე, ბათუმში, საერთაშორისო ინვესტორთა ასოციაციის ოფისში ბიზნესომბუდსმენი აჭარელ ბიზნესმენებს შეხვდება და მათ პრობლემებს მოუსმენს.
როგორც სააგენტო „ჯი-ეიჩ-ენს" ბიზნესომბუდსმენის აპარატში განუცხადეს, გიორგი პერტაია საერთაშორისო ინვესტორთა ასოციაციის წევრებს პირისპირ შეხვდება და რეგიონში მიმდინარე ეკონომიკური მოვლენების და ბიზნესის განვითარების შესახებ ინფორმაციას უშუალოდ ინვესტორთა ასოციაციის წევრებისგან მიიღებს.
შეგახსენებთ, რომ გიორგი პერტაია ჯერ კიდევ პრემიერ-მინისტრის მთავარი მრჩეველის რანგში, 2010 წლის აგვისტოში საერთაშორისო ინვესტორთა ასოციაციის წევრებს უკვე შეხვდა.
