ნებისმიერ ბიზნესმენს, რომელიც ხელისუფლების წარმომადგენელს ქრთამს შესთავაზებს, სამართლადამცველებთან მოუწევს ურთიერთობა. ამის შესახებ ეკონომიკისა და მდგრადი განვითარების მინისტრმა ვერა ქობალიამ "ქრისტიან-დემოკრატების" წევრის ლევან ვეფხვაძის საპასუხოდ განაცხადა.
"რაც შეეხება ისრაელის ბიზნესმენებს, ამ საკითხს სასამართლო განიხილავს და ჩემს კომპეტენციაში არ შედეგის, მაგრამ შემიძლია გითხრათ, რომ ნებისმიერ ქვეყნის ბიზნესმენთან ერთად ვმუშაობთ, მაგრამ თუ რომელიმე ბიზნესმენი ხელისუფლების წარმომადგენელს ქრთამს შესთავაზებს, სამართლადამცველებთან მოუწევს ურთიერთობა", - აღნიშნა ქობალიამ.
რაც შეეხება ინვესტიციების შემოდინების კლებას, მინისტრის თქმით, ეს 2010 წლის მსოფლიო ეკონომიკურ კრიზის უკავშირდება და ინვესტიციების კლება მხოლოდ საქართველოში არ მომხდარა.
"დღეს ინვესტიციები, რომელიც ქვეყანაში ხორცილდება, იდება ისეთი საწარმოების შესაქმნელად, რომელშიც დიდი რაოდენობით სამუშაო ადგილი შეიქმნება", - აღნიშნა ქობალიამ.