საქართველოში იმპორტირებული სოკო ადგილობრივმა წარმოებამ ჩაანაცვლა. როგორც დღეს პარლამენტში სიტყვით გამოსვლისას ეკონომიკისა და მდგრადი განვითარების მინისტრმა ვერა ქობალიამ განაცხადა, რამდენიმე თვის წინ სახელმწიფოს ბალანსზე არსებული სოკოს საწარმო კერძო მფლობელობაში გადავიდა, და წარმოების განახლების შემდგომ საწარმოს ადგილობრივ ბაზარზე სოკოს იმპორტი ჩაანაცვლა.
"სახელმწიფო საკუთრებაში არსებული სოკოს ქარხანა, წლების განმავლობაში იყო გაპარტახებული. საწარმოში წარმოება არ ხდებოდა და იყო უფუნქციოდ. თუმცა რამდენიმე თვის წინ, საწარმოს გასხვისება მოხდა და ამ ქარხნის წარმოების ხარჯზე საქართველოში სოკოს იმპორტი სრულად ჩაანაცვლდა. დღეისათვის ადგილობრივ ბაზარზე თითქმის აღარ არის იმპორტირებული სოკო", - აცხადებს ქობალია.
