მუამარ კადაფის განადგურება დასავლური კოალიციის ძალების მიერ შეცდომა იქნებოდა. ეს განცხადება აშშ-ს თავდაცვის მინისტრმა რობერტ გეიტსმა გააკეთა.
"ვფიქრობ, სრულიად ცხადია, რომ ლიბიელი ხალხი უკეთესად იგრძნობს თავს კადაფის გარეშე, თუმცა მიუხედავად ამისა თავად ლიბიელებმა უნდა გადაწყვიტონ თავიანთი თავისათვის ეს საკითხი. იმ შემთხვევაში თუკი მათ ამის საშუალება ექნებათ და მათ მიმართ განხორციელებული არ იქნება რეპრესიები მთავრობის მხრიდან, მაშინ არ გამოვრიცხავ, რომ მათ ეს გააკეთონ", _ განაცხადა გეიტსმა.
შეგახსენებთ, რომ ლიბიაში კოალიცია (საფრანგეთი, დიდი ბრიტანეთი, აშშ, იტალია და კანადა) გაეროს 1973-ე რეზოლუციის საფუძველზე სამხედრო ოპერაციას ატარებს.
