ქვეყანა ხორბალზე საერთო მოხმარების 35 პროცენტს ადგილობრივი ხორბლით დააკმაყოფილებს. როგორც დღეს მთავრობის სხდომაზე სოფლის მეურნეობის მინისტრმა ბაკურ კვეზერელმა განაცხადა, ხორბლის პროგრამა წარმატებულად განხორციელდა და გასული წლის შემოდგომაზე ხორბალი 10 ათას ჰექტარზე დაითესა.
"ხორბლის თესლი 10 ათას ჰექტარისთვის გაიცა და მინდა გითხრათ რომ საკმაოდ კარგი შედეგებიც გვაქვს. შესაბამისად ზაფხულში მოსავლის აღების შემდეგ, უკვე მოგვეცემა ამ პროგრამის სრული შეფასების საშუალება, რომელიც მიმართულია იმისკენ, რომ ჩვენ შევძლოთ ხორბალზე საერთო მოთხოვნილების 35 პროცენტის ადგილობრივი ხორბლით დაკმაყოფილება", - განაცხადა კვეზერელმა.
აღსანიშნავია, რომ გასულ წლებში ადგილობრივი ხორბლით ქვეყანა საერთო მოხმარების მხოლოდ 15 პროცენტის დაკმაყოფილებას ახერხებდა. სოფლის მეურნეობის მინისტრს იმედი აქვს, რომ 2012 წლისთვის ხორბალზე საერთო მოხმარება 35 პროცენტით აუცილებლად დაკმაყოფილდება.
